एसियनको बोनस सुरक्षित गर्ने आज अन्तिम मौका, कहिले हुँदैछ साधारण सभा ?

  • अर्थ सरोकार सम्बाददाता 
काठमाडौं - एसियन लाइफ इन्सुरेन्सको ४% बोनस सेयर सुरक्षित गर्ने बिहीबार अन्तिम दिन रहेको छ । इन्सुरेन्सले जेठ १९ गते हुने साधारण सभाका लागि बुक क्लोज गर्ने भएको छ । त्यसैले बुकक्लोज हुने अघिलो दिनसम्ममा  सेयरधनी बनिसकेको हुनुपर्नेछ । 

साधारण सभामा एसियनले ४% बोनस सेयर र कर तिर्न २५ लाख ४३ हजार ९७८.६५ रुपैयाँ नगद लाभांश दिने प्रस्ताव पेश गर्दैछ । बोनस सेयरपछि कायम हुने १ अर्ब २५ करोड ६७ लाख २५ हजार ४५४.४० रुपैयाँ चुक्ता पुँजीको ६०% हकप्रद जारी गर्ने विशेष प्रस्ताव पनि पेश हुनेछ ।

यता, संस्थापक सेयरलाई सर्वसाधारणमा परिवर्तन गर्ने सभाको अर्को एजेन्डा छ । एसियनले सेयर संरचना परिवर्तन गरी संस्थापक हिस्सा ५१% र सर्वसाधारण हिस्सा ४९% बनाउनेछ । हाल कम्पनीमा संस्थापकको ७०% र सर्वसाधारणको ३०% सेयर स्वामित्व छ ।

सभाले संस्थापक समूहबाट ४ जना, सवैसाधारणबाट २ जना र एक स्वतन्त्र संचालकको निर्वाचन पनि गर्नेछ । कम्पनीले हालको अधिकृत पुँजी २ अर्ब रुपैयाँलाई वृद्धि गरी ५ अर्ब रुपैयाँ कायम गर्ने प्रस्ताव पनि सभामा लैजाने भएको छ ।

साधारण सभा होटल भिष्वा, वीरगञ्जमा बिहान १० बजेबाट सुरु हुनेछ । एसियनले जेठ ४ देखि १८ गतेसम्म बुक क्लोज गर्नेछ ।

Trending:

प्रकाशित : Thursday, May 17, 2018

recent

Popular Posts