गरिमा विकास बैंकले सुरु गर्यो ‘गरिमा रेमिट’, अरु सेवा पनि विस्तार गर्ने बैंकको तयारी

गरिमा विकास बैंकले रेमिट कारोबारका लागि गरिमा रेमिट शुभारम्भ गरेको छ । मंगलबार एक कार्यक्रमका बीच संचालकद्धय आनन्द प्रसाद श्रेष्ठ र विमल पाण्डेले संयूक्त रुपमा हस्ताक्षर गरेपछि गरिमा रेमिट सेवाको शुभारम्भ गरिएको हो । 

कार्यक्रममा गरिमा विकास बैंकका प्रमुख कार्यकारी अधिकृत गोविन्द प्रसाद ढकालले गरिमा विकास बैंकका सबै शाखा संजालबाट रेमिट सेवा सुरु भएको घोषणा गरे । उनले आगामी दशैं सम्ममा गरिमा विकास बैंकका शाखा बाहेक अन्य संजालमार्फत पनि देश र विदेशबाट रेमिट्यान्स सेवा अघि बढाउने जानकारी दिए । विभिन्न फाइनान्ससियल टेक्नोलोजिको प्रयोगमा बैंक अग्रसर भएर लागेको जानकारी गराउँदै उनले देशमा भित्रिएका सबै टेक्नोलोजीलाई बैंकले कार्यान्वयनमा ल्याएसकेको पनि बताए । बैंकले केही दिनमा अरु नयाँ सेवाको पनि विस्तार गर्ने उल्लेख गर्दै उनले गरिमा रेमिटबाट कारोबार अगाडि बढाउन सबै सदस्य र आम नागरिकहरुलाई आह्वान गरे । 

स्याङ्जामा तीन जिल्ले बैंकबाट सुरु भएको गरिमा विकास बैंक कुशल संचालक र उत्कृष्ट म्यानेजमेन्ट टीमकै आडमा पोखरा हुँदै काठमाडौंमा केन्द्रीय कार्यालय स्थानान्तरण गरी राष्ट्रिय स्तरको विकास बैंकका रुपमा अग्रसर छ । गरिमा विकास बैंकले हाल पूर्वाञ्चल र सुदुरपश्चिमाञ्चलमा समेत शाखासंजालहरु विस्तार गरी सेवा सुचारु गरीरहेको छ ।

Trending:

प्रकाशित : Wednesday, May 16, 2018

recent

Popular Posts