मञ्जुश्री फाइनान्सको सेयर लिलामी भर्ने आज अन्तिम म्याद, न्यूनतम १०० रुपैयाँलाई आधार मानेर बोलकबोल भर्नु पर्ने

  • अर्थ सरोकार सम्बाददाता 
काठमाडौं - मञ्जुश्री फाइनान्सको सेयर लिलामी भर्ने सोमबार अन्तिम म्याद रहेको छ । मञ्जुश्रीले जेठ १४ गतेबाट संस्थापक समूहको १६ हजार ५६३.९ कित्ता र सर्वसाधारण समूहको २२ हजार ५४८.१ कित्ता गरी कुल ३९ हजार १२२ कित्ता सेयर लिलामीमा बिक्री खुला गरेको हो । यसमा न्यूनतम १०० रुपैयाँलाई आधार मानेर प्रतिस्पर्धात्मक बोलकबोलमा सहभागी हुनुपर्नेछ ।

बिक्री प्रबन्धक एनआइबीएल एस क्यापिटल लिमिटेडको लाजिम्पाट र लालदरबार काठमाडौं तथा लगनखेल, पोखरा, बुटवल, वीरगञ्ज शाखा कार्यालयहरुबाट सेयर भर्न पाइनेछ । यसैगरी, मञ्जुश्री फाइनान्सको नयाँ वानेश्वर काठमाडौं कार्यालयबाट पनि बोलपत्र भर्न मिल्नेछ । नेपाल इन्भेष्टमेन्ट बैंकको सुर्खेत, नेपालगञ्ज, नारायणगढ र धनगढी शाखा कार्यालयबाट पनि बोलपत्र फारम भर्न र बुझाउन सकिनेछ । 

हाल मञ्जुश्रीको चुक्ता पुँजी ७२ करोड ४३ लाख ७९ हजार रुपैयाँ रहेको छ । लिलामी बिक्री गरिसकेपछि चुक्ता पुँजी ७६ करोड ५ लाख ९८ हजार रुपैयाँ पुग्नेछ ।
प्रकाशित : Monday, June 04, 2018

recent

Popular Posts