मञ्जुश्रीको एजिएम असार २० मा, सभामा ५.७१% बोनस सेयर र कर तिर्न ०.३२% नगद लाभांश दिने प्रस्ताव पेस गर्दै

  • अर्थ सरोकार सम्बाददाता 
काठमाडौं - मञ्जुश्री फाइनान्सको दशौ वार्षिक साधारण सभा असार २० गते हुने भएको छ । फाइनान्सले ५.७१% बोनस सेयर वितरण गर्ने विशेष प्रस्ताव पेश गर्दैछ भने कर तिर्न ०.३२% नगद लाभांश दिने प्रस्ताव पनि पेस गर्ने छ । साधारण सभा थापागाँउ ब्यांकेट, नयाँ बानेश्वर काठमाडौंमा बिहान १० बजे सुरु हुनेछ । 

बोनसपछि चुक्ता पुँजी बृद्धि हुने भएकाले सोही बमोजिम नियमावली संशोधन गर्ने एजेन्डा पनि रहनेछ । आर्थिक वर्ष २०७३–७४ को सञ्चालक समितिको प्रतिवेदन, वासलात, नाफा नोक्सान लगायतका विषयमा छलफल गर्ने अर्को प्रस्ताव पनि छ । यस्तै, आर्थिक वर्ष २०७४–७५ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा समेत राखिएको छ । 

सभा प्रयोजनका लागि कम्पनीले असार ४ गते बुक क्लोज गर्ने भएको छ । असार ३ गतेसम्म कायम सेयरधनीले लाभांश सुरक्षित गर्न सक्नेछन् । हाल मञ्जुश्रीको चुक्ता पुँजी ७६ करोड ५ लाख ९७ हजार ५०० रुपैयाँ छ । बोनस वितरण पछि चुक्ता पुँजी ८० करोड ४ लाख ६० हजार २१० रुपैयाँ पुग्नेछ । 
प्रकाशित : Monday, June 11, 2018

recent

Popular Posts