मुक्तिनाथले २५% नगद लाभांश लिन बोलायो सेयरधनी, लिन नगए के हुन्छ ?

  • अर्थ सरोकार सम्बाददाता 
काठमाडौं - नगद लाभांश लिन बाकी रहेको सेयरधनीहरुलाई मुक्तिनाथ विकास बैंकले लाभांश लिन बोलाएको छ । बैंकले २०६७ कात्तिक १ गते सम्पन्न छैठौं वार्षिक साधारण सभाबाट पारित नगद लाभांश लिन बोलाएको हो । मुक्तिनाथले त्यसबेला २५% नगद लाभांश दिएको थियो ।

बैंकले साउन ३ गतेबाट ३५ दिनभित्र बैंकको केन्द्रिय कार्यालय तथा सेयर रजिष्ट्रार एनआइबीएल एस क्यापिटलमा सम्पर्क गरी नगद लाभांश लिन आग्रह गरेको छ । यो अवधिमा पनि लाभांश लिन नआएमा कानुन बमोजिम लगानीकर्ता संरक्षण कोषमा पठाइने बैंकले जनाएको छ । बैंकले नगद लाभांश लिन बाँकी रहेका सेयरधनीको नाम आफ्नो र एनआइबीएल एसको वेबसाइटमा राखेको छ ।
प्रकाशित : Thursday, July 19, 2018

recent

Popular Posts