काठमाडौँ – प्रधानमन्त्री केपी शर्मा ओलीले चन्द्रागिरी पुगेर कविता कोरेका छन् । साहित्यकारहरुका साथ केवलकार चढेर चन्द्रागिरिको डाँडामा पुगेका उनले शीर्षक विनाको कविता कोरेका हुन् । शीर्षक नभएपनि उनको कविताको मूलभाव भने मरेपछि पनि सपना देख्न पाऊँ भन्ने रहेको छ ।

परिवर्तनशील दुनियामा सँधै बाँचेको को छ र ?

बाँचुञ्जेल हो जीन्दगी मर्नु त छँदैछ ।

मरेपनि केही छैन त्यसपछि पनि सपना देख्न पाउँ

सगरमाथा मुनि मेची महाकाली

हाम्रा लहलह खेतबारी झपक्क कान्ला र आली

सपनामा भएपनि देख्न पाउँ

चन्द्रागिरीको डाँडामा आएर सपनामा

भावी सन्तति मुस्कुराएको देख्न पाउँ

तिनको हँसिलो मुहारको तस्वीर खिच्न पाउँ

मरेपनि केही छैन त्यसपछि पनि सपना देख्न पाउँ