गुटै–गुट सक्रिय भएपछि नेकपाको तल्ला कमिटी छनोटमा सकस

काठमाडौं - तल्ला कमिटीहरुको छनौटमा निकै सकस देखिएपछि नेकपाले सचिवालय बैठक बोलाएको छ । प्रधानमन्त्री निवास बालुवाटारमा नेकपा सचिवालयको बैठक मंगलवार विहान बस्न लागेको हो । बैठक प्रदेश, जिल्ला, विशेष जिल्ला कमिटी र जनवर्गीय संगठनहरु निर्माणमा क्रियासिल हुने भएको छ ।

नेकपाका तल्ला कमिटी फर्मेशन गर्न निकै चुनौति देखिएको छ । पार्टी भित्रका गुट मिलान गर्न माथिल्लो कमिटीदेखि नै नेताहरु सक्रिय भएपछि प्रदेश कमिटी र जिल्ला कमिटी निर्माणमा समस्या भएको स्रोतले बताएको छ । ‘प्रत्येक नेताले आफु निकट र गुट मिल्नेलाई कमिटीमा राख्न कोशिस गरेपछि समस्या भएको हो’ नेकपाका एक प्रभावशाली नेताले भने ‘तल्ला कमिटीलाई आफै निर्णय गर्ने अधिकार पनि दिइएको छैन । जिल्ला कमिटीका अध्यक्ष र सचिव पनि केन्द्रीय सचिवालयले नै तोकेर पठाउने भएको छ ।

नेकपाभित्र घोषित तीन गुट छन भने अघोषित दर्जनौ गुट छन् । नेतापिच्छे गुट निर्माण भएपछि तल्ला कमिटी निर्माण गर्न सकस परेको हो । नेकपा अध्यक्ष केपी ओली समुहले आफु निकटका ब्यक्तिलाई तल्ला कमिटीमा धेरै ल्याउने कोशिस गरेको छ भने अर्का अध्यक्ष पुष्पकमल दाहाल प्रचण्ड र वरिष्ठ नेता माधव नेपाल पक्षधर पनि आफ्नो प्रभाव बलिया बनाउन लागि परेका छन् ।

यी तिन नेता बाहेक अन्य नेताहरु पनि आफु निकटका ब्यक्तिलाई प्रदेश, जिल्ला र जनसंगठनहरुमा ल्याउने प्रयत्न गरिरहेका छन् । यसका लागि पूर्व एमाले र माओवादी केन्द्रका नेताहरु सक्रिय भएका छन् । महासचिव बिष्णु पौडेलले साउन २५ गतेभित्र केन्द्रीय कमिटीमा नाम पठाईसक्न कार्यदललाई लिखित निर्देशन पनि दिइसकेका छन् । मिति नजकिदै गएपछि नेताहरु पनि सक्रिय भएका हुन् ।
केन्द्रीय सचिवालयले एक ब्यक्ति एक पद गर्न कार्यदललाई मौखिक निर्देशन दिएको छ । तर सांसद र स्थानीय तहका जनप्रतिनिधिहरु नै कमिटीमा पर्न बढि सक्रिय देखिएका छन् ।
प्रकाशित : Wednesday, August 08, 2018
,

recent

Popular Posts