जीवन बिमा कम्पनीहरुमध्येकै अग्रणी कम्पनी नेपाल लाइफको खुद नाफा ४७ करोड ९२ लाख (विवरणसहित)

  • अर्थ सरोकार सम्बाददाता 
काठमाडौँ- नेपाल लाइफ इन्स्योरेन्स कम्पनी लिमिटेडले आर्थिक वर्ष २०७४/७५ को चौथो त्रैमाससम्मको वित्तीय विवरण सार्वजनिक गरेको छ । सार्वजनिक भएको विवरण अनुसार कम्पनीले ४७ करोड ९२ लाख खूद नाफा कमाएको छ । समीक्षा अवधिमा १६ अर्ब बढी बिमा शुल्क आर्जन गर्दा कम्पनीले पुनर्बिमा कमिसनबाट १ करोड ६४ लाख आम्दानी गरेको छ ।

यता कम्पनीले लगानी कर्जा तथा अन्यबाट ३ अर्ब ९७ करोड आर्जन गरेको विवरणमा उल्लेख छ । बिमालेखको धितोमा कर्जाबाट हुने आय भने ९० करोड ९८ लाख छ । यता कम्पनीले समीक्षा अवधिमा ५ अर्ब ४३ करोड खूद दाबी भुक्तानी गरेको छ भने कम्पनीको जगेडाकोषको आकार ३ अर्ब ४७ करोड छ ।

समीक्षा अवधिमा नेपाल लाइफको प्रतिसेयर आम्दानी १०.९० रुपैयाँ छ भने प्रतिसेयर नेटवर्थ १८७.५४ रुपैयाँ छ । कम्पनीको पीई अनुपात ९६.३३ गुणा कायम भएको छ भने औसत प्रतिफल दर १०.८३ प्रतिशत कायम भएको छ ।
प्रकाशित : Wednesday, August 15, 2018

recent

Popular Posts