स्वरोजगार लघुवित्त बिकास बैंकको खराब कर्जा बढ्यो, प्रतिसेयर आम्दानी २९.८७ रुपैयाँ (विवरणसहित)

  • अर्थ सरोकार सम्बाददाता 
काठमाडौँ- स्वरोजगार लघुवित्त विकास बैंक लिमीटेडले आर्थिक वर्ष २०७४/७५ को चौथो त्रैमाससम्मको वित्तीय विवरण सार्वजनिक गरेको छ । सार्वजनिक भएको विवरण अनुसार बैंकले ३ करोड ६५ लाख खूद नाफा आर्जन गरेको छ । समीक्षा अवधिमा कम्पनीले ७८ करोड २३ लाख निक्षेप संकलन गरेको थियो भने १ अर्ब ४१ करोड बढी सापटी लिई २ अर्ब १३ करोड बढीको कर्जा परिचालन गरेको छ । सार्वजनिक वित्तीय विवरण हेर्ने हो भने अघिल्लो वर्ष ४ करोड २५ लाख रहेको बैंकको संचालन मुनाफा बढेर ५ करोड २८ लाख पुगेको छ । 

यद्यपी बैंकको कमजोर व्यवस्थापनका कारण कम्पनीमा खराब कर्जा भने बढेको छ । अघिल्लो वर्ष ०.२२ प्रतिशतको अनुपातमा रहेको खराब कर्जा बढेर ०.३६ प्रतिशत पुगेको छ । समीक्षा अवधिमा कम्पनीको प्रतिसेयर आम्दानी २९.८७ रुपैयाँ कायम भएको छ । कम्पनीको प्रतिसेयर नेटवर्थ १५४.२६ रुपैयाँ र मूल्य आम्दानी अनुपात २८.९६ गुणा कायम भएको छ । 
प्रकाशित : Thursday, August 02, 2018

recent

Popular Posts