एनएमबि बैंकका कर्मचारीहरुको कार्यदक्षता वृद्धि गर्न एन.बी.आईले तालिम प्रदान गर्दै

काठमाडौँ - नेशनल बैंकिङ्ग इन्ष्टिच्युट लि. र एनएमबि बैंक लि.बीच भदौ २८ गते तालिम कार्यक्रम सञ्चालन सम्बन्धी सम्झौतापत्रमा हस्ताक्षर भएको छ ।

उक्त सम्झौतापत्रमा एनएमबि बैंक लि.का तर्फबाट प्रमुख कार्यकारी अधिकृत सुनिल के.सी. र नेशनल बैंकिङ्ग ईन्ष्टिच्युटका प्रमुख कार्यकारी अधिकृत संजिब सुब्बाबीच हस्ताक्षर भएको छ ।

यस सम्झौताअनुसार एन.बी.आईले एनएमबि बैंक लि. का कर्मचारीहरुको कार्यदक्षता विकासका लागि विभिन्न तालिमहरु उपलब्ध गराउने छ । सम्झौता अनुसार एनएमबि बैंक लि. ले आफ्नो कर्मचारीहरुका लागि नेशनल बैंकिङ्ग इन्ष्टिच्युटबाट न्युनतम रु ५० लाख बराबर रकमको वार्षिक तालिम संचालन गराउने छ ।


प्रकाशित : Sunday, September 16, 2018

recent

Popular Posts