ट्राफिकलाई आईजीपी खनालको निर्देशनः चालकलाई अपराधीको व्यवहार नगर्नुस्

काठमाडौँ – प्रहरी महानिरीक्षक सर्वेन्द्र खनालले आइतवार बिहान महानगरीय ट्राफिक प्रहरी महाशाखा पुगेर कार्यालयको अनुगमन गरेका छन् । महानिरीक्षक खनालले ट्राफिक प्रहरीको काम कर्तव्य र भूमिकाबारे समेत उपस्थित ट्राफिक प्रहरीलाई जानकारी दिए ।

महानिरीक्षक खनालले ट्राफिक प्रहरीले सवारी चालकलाई एउटा आपराधिक व्यक्तिलाई झैँ गर्ने व्यवहार नगर्नसमेत सुझाव दिएका थिए । महानिरीक्षक खनालले भने, ‘यात्रुलाई नियम कानुन लगाउनु भनेको सुधारात्मक पाटो हो । कहिले काँहि ट्राफिक प्रहरी व्यवहारिक भएर यात्रुलाई व्यवहार गर्नुहोला । यात्रु अपराधी होइनन् ।’

पछिल्लो समय ट्राफिक प्रहरीले समिति स्रोत र साधनको बाबजुद पनि राम्रो काम गरेकाले थप ट्राफिक प्रहरीमा हुने भएकाले आफ्नो बोली, आचरण राम्रो बनाएर ट्राफिक व्यवस्थापनलाई सहज, प्रभावकारी र चुस्त बनाउन निर्देशन दिए ।

महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्तले उपत्यकाको ट्राफिक व्यवस्थापनका लागि महाशाखाले गरेको कार्यप्रगतिबारे जानकारी गराएका थिए । उपत्यकाभित्र अहिले १२ लाख भन्दा बढी सवारी साधनहरू गुड्ने गरेको प्रहरीको तथ्याङकल देखाउँछ ।
प्रकाशित : Sunday, September 09, 2018

recent

Popular Posts