एसियन लाइफको खुद नाफा ७% ले वृद्धि, जीवन बिमा कोषमा कति ?

  • अर्थ सरोकार सम्बाददाता 
काठमाडौ - एसियन लाइफ इन्सुरेन्सको चालु आर्थिक वर्षको प्रथम त्रैमासको वित्तीय विवरण सार्वजनिक भएको छ । सार्वजनिक भएको विवरण अनुसार इन्सुरेन्सको खुद नाफा ७% वृद्धि गरेर १ करोड ६९ लाख ४४ हजार ५१५ रुपैयाँ कमाएको छ । गत वर्ष इन्सुरेन्सले १ करोड ५८ लाख २९ हजार १७८ रुपैयाँ खुद नाफा आर्जन गरेको थियो । 

इन्सुरेन्सको कुल बिमा शुल्क आर्जन ६८ करोड ९२ लाख ९४ हजार रुपैयाँ भएको छ । यसैगरी, कम्पनीले कुल ९४ करोड ५० लाख ५९ हजार रुपैयाँ दाबी भुक्तानी गरेको छ । 

इन्सुरेन्सको चुक्ता पुँजी १ अर्ब २५ करोड ६७ लाख २५ हजार ४७१ रुपैयाँ रहेको छ भने जगेडा कोषमा २६ करोड ६८ लाख ७० हजार १३६ रुपैयाँ जम्मा भएको छ । यसैगरी, एइन्सुरेन्सको जीवन बिमा कोषमा १३ अर्ब ८८ करोड ८५ लाख १९ हजार रुपैयाँ छ । 

इन्सुरेन्सले महाविपत्ति जगेडा कोष पनि ३ करोड ४६ लाखबाट बढाएर ३ करोड ७२ लाख ४९ हजार ८८७ रुपैयाँ पुर्याएको छ । इन्सुरेन्सको प्रतिसेयर आम्दानी १ रुपैयाँ ३५ पैसा र प्रतिसेयर नेटवर्थ १२१ रुपैयाँ २४ पैसा छ ।
प्रकाशित : Sunday, November 18, 2018

recent

Popular Posts