- अर्थ सरोकार संबाददाता
काठमाडौँ- सोमबार नेपाल स्टक एक्सचेन्ज नेप्से परिसरमा भएको लगानीकर्ताको दवाव कार्यक्रममा सेयर बजार विश्लेषक तथा लगानीकर्ता बिष्णु बस्यालमाथि कुटपिटको प्रयास भएको छ । नेप्सेमै चलेको एक छलफलमा बस्यालले लगानीकर्ताको भावना विपरित बोलेको भन्दै उनीमाथि लगानीकर्ताहरु जाइलागेका थिए । उनले केहि समय अगाडी नेप्से ९०० मा आउने बताएका थिए ।
उनले अहिलेको कनेक्टिभिटीको समस्या रहेको र यो समस्या समाधान नभएसम्म लगानीकर्तालाई अनलाइन ट्रेडिङको लागि आईडी र पासवर्ड दिनु नहुने धारणा राखेका थिए । उनले सो कुरा गर्ने बित्तिकै लगानीकर्ताले उनीमाथि कुटपिटको प्रयास गरेका हुन् । आफुमाथि कुटपिट प्रयास भएको तर प्रहरीले त्यसलाई सफल हुन् नदिएको उनले बताएका छन् ।
