एनआइसी एसियाले ४० लाख इकाई ऋणपत्र बिक्री गर्ने, अनुमति माग्न पुग्यो धितोपत्र बोर्ड !

काठमाडौं - एनआइसी एसिया बैंकले ४० लाख इकाई ऋणपत्र बिक्री गर्ने भएको छ । उक्त ऋणपत्र बिक्रि गर्नको लागि बैंकले धितोपत्र बोर्डसँग अनुमति मागेको छ । बैंकले करिब ४ अर्ब रुपैयाँ बराबरको ऋण पत्र बिक्रि गर्ने भएको छ । एनआइसीले ‘१०% एनआइसी एसिया डिबेन्चर २०८५।८६’ जारी गर्न लागेको हो । कुल ४० लाख इकाईमध्ये ८ लाख इकाईमा सर्वसाधारण लगानीकर्ताले आवेदन दिन सक्नेछन् । बाँकी ३२ लाख इकाई भने एनआइसीले अन्य संघसंस्था तथा कम्पनीहरुलाई बिक्री गर्नेछ ।

एनआइसील यो ऋणपत्रमा वार्षिक १०% ब्याज दिनेछ । १० वर्ष अवधिको यो ऋणपत्र आर्थिक वर्ष २०८५।८६ मा परिपक्क हुनेछ । बैंकले यस अघि पनि ११% ब्याजदर भएको १८ लाख ३० हजार इकाई ऋणपत्र बिक्री गरेको थियो ।
प्रकाशित मिति : Friday, December 28, 2018

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal