एशियन लाईफको नयाँ बीमा योजना “दम्पती सुरक्षा प्लस(संयुक्त सावधिक)”

काठमाडौँ - एशियन लाईफ इन्स्योरेन्स कम्पनीले 'दम्पती सुरक्षा प्लस (संयुक्त सावधिक)' जीवन बीमा योजना प्रचलनमा ल्याएको छ ।

समय सापेक्ष नविनतम जीवन बीमा योजना ल्याउने क्रममा पारिवारिक खुशीका पलहरुमा आर्थिक सुरक्षाको अनुभूती प्रदान गर्न “दम्पती सुरक्षा प्लस (संयुक्त सावधिक)” जीवन बीमा योजना प्रचलनमा ल्याएको जनाएको छ । यस योजनामा एउटै बीमालेखबाट श्रीमान/श्रीमती दुबैजनाको जोखिम बहन हुनेछ ।

यस बीमा योजनाका मुख्य विशेषताहरु :
  • एउटै बीमालेखबाट श्रीमान/श्रीमति दुबैको; बीमाङ्कको साढे दुई गुणासम्म छुट्टाछुट्टै जोखिम बहन हुने ।
  • रु. ५०,००० देखि माथि जतिसुकै रकमको बीमा गर्न सकिने ।
  • ठूलो बीमाङ्कको बीमाशुल्क रकममा छुट सुविधा ।
  • दुर्घटना मृत्यु लाभ (ADB),स्थायी अपाङ्ग/अशक्त सुविधा (PTD) एवं बीमा शुल्क छुट (PWB) सुविधा भएको ।
  • मासिक,त्रैमासिक, अद्र्धवार्षिक तथा वार्षिक रुपमा बीमाशुल्क भुक्तानीको सुविधा । रकम भुक्तानी दिइने अवस्था
यस बीमा योजना अन्तर्गत देहायका अवस्थाहरुमा भुक्तानी दिइनेछ :
१.बीमा अवधि समाप्त हुने मितिसम्म दुबै बीमित जीवित रहेमा पूरै बीमाङ्क रकम र आर्जित बोनस ।
२.बीमा अवधि भित्र दुईमध्ये एक बीमितको मृत्यु भएमा बीमाङ्कको १०० देखि २५० प्रतिशत रकम र
आर्जित बोनस ।
३.बीमा अवधिभित्र अर्को बीमितको पनि मृत्यु भएमा बीमाङ्कको १०० देखि २५० प्रतिशत रकम ।
४.बीमा अवधि समाप्त हुने मितिसम्म दुईमध्ये एक बीमित मात्र जीवित रहेमा पूरै बीमाङ्क रकम ।

यस कम्पनीको हाल अधिकृत पूँजी रु. ५ अर्ब, चुक्ता पूँजी रु. १ अर्ब २५ करोड ६७ लाख रुपैयाँ रहेको छ भने कम्पनीको २०७५ असोज मसान्तसम्म रु.१३ अर्ब ८८ करोड ८५ लाख रुपैयाँ बराबरको जीवन बीमा कोष रहेको कम्पनीले जनाएको छ ।

कम्पनीले हाल २९ वटा शाखा र ७७ वटा उपशाखा गरी १०६ वटा कार्यालयहरुबाट बीमितहरुको घरदैलोमै जीवन बीमा सेवा प्रदान गर्दै आईरहेको छ ।
प्रकाशित : Tuesday, January 08, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal