एउटा भीआइपी ठगको कथा, 'जो लाखौँको सामान किनेर गरिमा बिकास बैंकको पैसा नै नभएको चेक दिन्थ्यो' (भिडियो)

  • अर्थ सरोकार सम्बाददाता 
काठमाडौँ- आफुलाई ठूलो व्यापारी हुँ भन्ने, लाखौँको समान किनेर खातामा पैसा नै नभएको चेक दिने ठग प्रहरीको फन्दामा परेका छन् । यसरी ठगी गर्ने व्यक्ति हुन् कैलाली धनगढी नगरपालिका फूलवारी ३ का वासुदेव मैनाली । आफूलाई ठूलो व्यापारी हुँ भन्दै अरुलाई ठग्ने उनी सोमबार प्रहरीको फन्दामा परेका हुन् । ठगिएका व्यापारीहरुले उजुरी गरेका आधारमा प्रहरीले काठमाडौंको टोखाबाट पक्राउ गरेको हो । मैनालीले ३ ओटा नक्काली नागरिकतासमेत बनाएको प्रहरी अनुसन्धानबाट खुलेको छ । मैनालीले रामचन्द शर्मा, शिवराम पौडेल र वासुदेव मैनालीका नामबाट उनले ३ ओटा नागरिकता लिएको अनुसन्धानबाट खुलेको हो ।

ठगीमा गरिमा बिकास बैंकको चेक प्रयोग !
उनले ठगी गरेका केहि घटनाहरु यस्ता छन् कि व्यापारीहरु सजिलै फस्छन् । दशैंका बेला आफुले नेतादेखि अन्य ठुला व्यापारीहरुलाई रक्सी बाड्नु पर्ने भन्दै उनी कार्तिक महिनामा टोखाको एक मदिरा पसलमा पुगेका थिए । उनले उक्त पसलबाट  १८ लाख ५० हजारको विदेशी रक्सी किने र गरिमा बिकास बैंकको चेक दिए । तर उक्त खातामा पैसा नै थिएन । त्यसपछि ती मदिरा व्यवसायीले प्रहरी गुहारे ।  यसैगरी उनले टिभी, जेनेरेटर, लगायतका थुप्रै समान किन्दा पनि क्यासको सट्टा चेक दिए । सबै व्यापारी फसे । यसरी फस्नेहरुमा ७ व्यापारी छन् ।  यसरी पैसा नै नभएको चेक दिएर हात लागेको सामान राख्न मैनालीले काठमाडौंको नारायनटारमा गोदाम बनाएका थिए । ७ जनाबाट मैनालीले ४० लाख रुपैयाँबराबर ठगी गरेका उनी धेरै समय  सकेनन् । प्रहरीले उनलाई पक्राउ गरेको छ ।  

प्रहरी भन्छ, 'तपाईं पनि ठगिनुभएको छ भने खबर गर्नुहोस्'
यता प्रहरीले मैनालीले धेरैलाई यसैगरी ठगी गरेको हुनसक्ने भन्दै उनीबाट जो कोहि ठगी भएको भए प्रहरीको सम्पर्कमा औना आग्रह गरेको छ । मैनालीलाई अहिले महागरीय प्रहरी परिसर काठमाडौंको हिरासतमा राखिएको छ । थप अनुसन्धान भइरहेको प्रहरीको भनाइ छ ।  
प्रकाशित मिति : Tuesday, January 08, 2019

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal