कुमारी बैंकको खुद नाफा ३२.२३% ले वृद्धि, प्रति सेयर आम्दानी कति ?


काठमाडौं - कुमारी बैंकले आर्थिक वर्ष २०७५/७६को दोस्रो त्रैमासको वित्तीय विवरण सार्वजनिक गरेको छ । सार्बजनिक भएको विवरण अनुसार बैंकको खुद नाफा ६७ करोड ६२ लाख ४४ हजार रुपैयाँ कमाएको छ । यो नाफा गत वर्षको यहि अवधिको तुलनामा ३२.२३% ले धेरै हो । गत वर्ष बैंकको खुद नाफा  ५१ करोड १४ लाख २२ हजार रुपैयाँ मात्र आर्जन गरेको थियो ।

बैंकको खुद ब्याज आम्दानी र सञ्चालन नाफा क्रमस: ६६.९६% र ३५.०३% वृद्धि भएको छ। गत वर्ष यही अवधिमा ९० करोड ८६ लाख ६० हजार रुपैयाँ मात्र खुद ब्याज आम्दानी गरेको बैंकले यस वर्ष १ अर्ब ५१ करोड ७१ लाख ९ हजार रुपैयाँ कमाएको छ । बैंकको सञ्चालन नाफा ९६ करोड ६० लाख ६३ हजार आर्जन गरेको छ ।

यता बैंकको ७५ अर्ब ४४ करोड ८५ लाख ३९ हजार रुपैयाँ निक्षेप संकलन गरेर ७० अर्ब ७७ करोड २२ लाख ३ हजार रुपैयाँ कर्जा प्रवाह गरेको छ भने जगेडा कोषमा ४ अर्ब २९ करोड ९ लाख ४६ हजार रुपैयाँ जम्मा रहेको छ ।

बैंकको खराब कर्जा १.२२% रहेको छ भने प्रतिसेयर आम्दानी १८ रुपैयाँ ६२ पैसा र प्रतिसेयर नेटवर्थ १५९ रुपैयाँ ९० पैसा रहेको छ ।
प्रकाशित मिति : Tuesday, January 22, 2019

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal