 |
| तस्विर सौजन्य : मनोहर |
- अर्थ सरोकार सम्बाददाता
राजविराज- बि.सं.२०५९ सालमा तत्कालीन माओवादी शसस्त्र-युद्धका बेला सप्तरीको नकटी रायपुर गाविसस्थित स्वावलम्बन विकास बैंक लुटेको आरोपमा सप्तरी जिल्ला अदालतले सजाय सुनाएइका ‘अनिल’ भनिने अरुणकुमार साह थुना मुक्त हुँदा उनको भव्य स्वागत गरिएको छ । तत्कालीन स्वावलम्बन बिकास बैंकको १६ हजार रुपैयाँ लुटेको प्रमाणित भएपछि २०७१ सालमा उनलाई ४९ महिना १५ दिनको जेल सजाय तोकिएको थियो थियो । दुई वर्ष आठ महिना जेल सजाय भुक्तान गरेर उनी अहिले जेलमुक्त भएका छन् ।
उनी तत्कालीन माओवादी पार्टी परित्याग गरी बाबुराम भट्टराइको नयाँ शक्तिमा प्रवेश गरेपछी ०७३ जेठ २३ गते पक्राउ परी कारगारमा थुनिएका थिए । जनयुद्धकालका मुद्दा सत्य निरुपण तथा मेलमिलाप आयोगमार्फत सल्ट्याउनु पर्नेमा साहको मुद्दालाई ओझेलमा पारी कैद गरिएको भन्दै साहले असन्तुष्टि जनाउँदै आएका थिए । अहिलेपनि उनले आफुलाई युद्धकालीन मुद्धामा दु:ख दिएको गुनासो पोखिरहेका छन् ।
उनी जेलमुक्त हुँदा उनको भव्य स्वागत भएको छ । तत्कालीन माओवादीका नेता, नयाँ शक्तिका नेता र कार्यकर्ताहरु उनको स्वागत गर्न पुगेका थिए ।
