जनता आवास कार्यक्रम गुणस्तरीय नभएको सांसदहरुको गुनासो, अर्थमन्त्रीले दिए यस्तो स्पष्टिकरण (भिडियो)

  • अर्थ सरोकार मल्टिमिडिया ब्यूरो 
सांसदहरुले जनता आवास कार्यक्रम लक्षित समुदायमा पुग्न नसकेको तथा गुणस्तरीय नभएको भन्दै सरकारको ध्यानाकर्षण गराएका छन् । शुक्रबार सिंहदरबारस्थित अर्थमन्त्रालयमा भएको जनता आवास कार्यक्रम कार्यान्वय नमुना कार्यविधि२०७५ माथिको छलफलमा सहभागी दलित समुदायबाट प्रतिनिधित्व गरेका सांसदहरुले जनता आवास कार्यक्रम प्रभावकारी नभएको गुनासो गरेका हुन् । 

उनीहरुले जनता आवास कार्यक्रमले जग्गाधनीको लालपुर्जा भएका र प्राकृतिक जोखिम भन्दा बाहिर रहेको समुदायलाई मात्रै समेटेको भन्दै सुकुम्बासी र वास्तविक विपन्न समुदायलाई समेट्ने गरि कार्यविधि परिमार्जन गर्न माग गरे । सांसदहरुले जनता आवास कार्यक्रम मार्फत प्रत्येक आवास निर्माणका लागि छुट्याईएको रकम बढाउन पनि माग गरे । जनता आवास कार्यक्रम मार्फत बनेका घर बस्न लायक नभएको भन्दै उनीहरुले बजेट बढाएर भुकम्प प्रतिरोधी आवास निर्माण गर्नुपर्नेमा सरकारको गम्भीर ध्यानाकर्षण गराए ।

यता अर्थमन्त्री युवराज खतिवडाले जनता आवास कार्यक्रम मुलतः दलित लक्षित कार्यक्रम नै भएको भन्दै संगै सबै विपन्नलाई समेट्नुपर्ने गरि आवास निर्माण कार्य अघि बढाउनुपर्ने बाध्यताले गुणस्तरीय आवास निर्माण गर्न नसकिएकोबताये । उनले ५ लाख दलित तथा विपन्न परिवारलाई आवास निर्माण गर्न प्रति परिवार साढे ३ लाख रुपैयाले मात्रै पनि झण्डै २ खर्ब लाग्ने भएकाले बजेटको सिमिततालाई बुझ्न आग्रह गरे ।
प्रकाशित : Sunday, January 06, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal