दुईतिहाइको सरकार हुँदा पनि हटेन भ्रष्टाचार, भ्रष्टाचार सूचांकमा नेपाल पछाडीबाट गन्दा १८औँ स्थानमा (भिडियो)


काठमाडौँ- दुईतिहाईको सरकार गठन भएपछि पनि नेपालमा भ्रष्टाचारमा कमि आउन नसकेको ट्रान्सपरेन्सी इन्टरनेशनल नेपालको प्रतिवेदनले देखाएको छ । ट्रान्सपरेन्सी इन्टरनेशनल नेपालले मंगलबार सार्वजनिक गरेको भ्रष्टाचार अवधारणा सूचकाङ्कले निर्वाचपछि पनि नेपालको सार्वजनिक क्षेत्रमा भ्रष्टाचार, व्यापार व्यवसायमा घुस, सार्वजनिक पद र अधिकारको दुरुपयोग, अनुगमन र कारवाहीमा कमी, सूचनामा नागरिकको पहुँचमा कमी , राजनीतिमा भ्रष्टाचार जस्ता दीर्घकालिन समस्या विद्यमान रहेको देखाएको हो । मुलुकमा स्थिर राजनीति कायम भएको भन्दै दुईतिहाईको सरकारले भ्रष्टाचार नियन्त्रणलाई मुल नारा बनाएको भएपनि सार्वजनिक पद र अधिकारको दुरुपयोग, अनुगमन र कारवाहीमा कमीका कारण नेपाल गतबर्षको भ्रष्टाचार सूचांक भन्दा माथि उठ्न नसकेको प्रतिवेदनमा उल्लेख छ ।

ट्रान्सपरेन्सी इन्टरनेशनल नेपालले मंगलबार सार्वजनिक गरेको भ्रष्टाचार अवधारणा सूचकाङ्कले नेपाललाई गत बर्षकै स्थानमा अर्थात् धेरै भ्रष्टाचार हुने मुलुकहरु मध्ये (पछाडीबाट गन्दा ) १८ औ स्थानमा देखाएको हो । विभिन्न ६ वटा संस्थाले १ सय ८० देशमा गरेको सर्वेक्षणका आधारमा भ्रष्टाचार अवधारण सूचकांङ्क २०१८ मा नेपाललाई १ सय मा ३१ अंक दिईएको छ । यो गत बर्षकै अंक भएकाले यस बर्ष पनि भ्रष्टाचारको अवधारणामा सुधार देखिदैन । दक्षिण एसियाका मुलुकहरु मध्ये नेपाल तेश्रो बढी भ्रष्टाचार हुने मुलुकमा सूचीकृत भएको छ । पहिलोमा अफगानिस्तान र दोश्रोमा बंगलादेश रहेका छन् । सूचकाङ्कमा समावेश १ सय ८० देश मध्ये डेनमार्क कुल १०० मा ८८ अंक प्राप्त गरी सबै भन्दा कम भ्रष्टाचार हुने मुलुक भएको छ भने सोमालिया १० अंक प्राप्त गरी सबैभन्दा बढी भ्रष्टाचार हुने मुलुकको रुपमा सूचीकृत भएको छ ।


प्रकाशित मिति : Tuesday, January 29, 2019

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal