एनएलजी इन्सुरेन्सको खुद नाफा ७.६०% वृद्धि हुँदा अन्य सुचकको कस्तो छ अवस्था ?

काठमाडौँ - एनएलजी इन्सुरेन्सले आर्थिक वर्ष २०७५/७६ को दोस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीको खुद नाफा ८ करोड ४५ लाख ०९ हजार रुपैयाँ कमाएको छ । यो नाफा गत वर्षको तुलनामा ७.६०% ले धेरै हो । गत वर्ष कम्पनीको खुद नाफा ७ करोड ८५ लाख ३४ हजार रुपैयाँ थियो ।

कम्पनीको खुद बिमा शुल्क २.०९% ले घटेको छ । गत वर्ष ३६ करोड ५६ लाख ९३ हजार रुपैयाँ खुद बिमा शुल्क कमाएको कम्पनीले यस त्रैमासमा ३५ करोड ८० लाख २६ हजार रुपैयाँमा सिमित रहेको छ । कम्पनीले १२ करोड ४० लाख १५ हजार रुपैयाँ पुनर्बिमा कमिसनबाट आम्दानी गरेको छ । 

यो दोस्रो त्रैमासमा कम्पनीले २३ करोड ४८ लाख ५० हजार रुपैयाँ खुद दाबी भुक्तानी गरेको छ भने ७४ करोड ७४ लाख ४३ हजार रुपैयाँ दाबी भक्तानी हुन बाँकी रहेको छ । बिमा कोषको आकार पनि २०.८०% वृद्धि भएर ७४ करोड ९७ लाख २१ हजार रुपैयाँ पुर्याएको छ ।

हाल एनएलजीको चुक्ता पुँजी ६४ करोड ४ लाख ६ हजार रुपैयाँ छ भने जगेडा कोषमा १६ करोड ४२ लाख ८० हजार रुपैयाँ जम्मा पारेको छ ।  महाविपत्ति जगेडामा पनि कम्पनीले ५ करोड ४६ लाख १ हजार रुपैयाँ राखेको छ । कम्पनीको प्रतिसेयर आम्दानी २६ रुपैयाँ ३९ पैसा  र प्रतिसेयर नेटवर्थ २५१ रुपैयाँ २५ पैसा रहेको छ ।
प्रकाशित : Wednesday, February 13, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal