ङादी ग्रुप पावरको खुद नाफामा २३.०४% को गिरावट हुनुमा यस्तो छ खास कारण


काठमाडौं - ङादी ग्रुप पावरले आथिक वर्ष २०७५/७६ को दोस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीको खुद नाफा १ करोड ८ लाख ९ हजार रुपैयाँ कमाएको छ । यो नाफा गत वर्षको तुलनामा २३.०४% थोरै हो । गत वर्ष कम्पनीले १ करोड ४० लाख ४७ हजार ६१७ रुपैयाँ खुद नाफा कमाएको थियो ।

यता, कम्पनीको सञ्चालन नाफा पनि ९.८२% ले गिरावट आएको छ । गत वर्ष ३ करोड ३ लाख ५६ हजार रुपैयाँ रहेको सञ्चालन नाफा यो त्रैमासमा घटेर २ करोड ७३ लाख ७२ हजार रुपैयाँमा खुम्चिएको छ । 

कम्पनीले बिजुली बेचेर ३ करोड ११ लाख २० हजार रुपैयाँ आम्दानी गरेको छ । गत वर्ष बिजुली बिक्रीबाट ३ करोड ४३ लाख ५० हजार रुपैयाँ आम्दानी गरेको थियो । यस कम्पनीको सेयर पुँजी ५३ करोड ५५ लाख ५४ हजार ८०० रुपैयाँ छ । 

यता, जगेडा कोषमा ४ करोड २० लाख २२ हजार रुपैयाँ जम्मा भएको छ । कम्पनीको प्रतिसेयर आम्दानी ८ रुपैयाँ ०७ पैसा र प्रतिसेयर नेटवर्थ १०७ रुपैयाँ ८५ पैसा रहेको छ ।
प्रकाशित मिति : Friday, February 15, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal