सपोर्ट माइक्रोफाइनान्सले गर्यो प्रगति, खुद नाफा ६८.१४% ले वृद्धि


काठमाडौ - सपोर्ट माइक्रोफाइनान्सले आर्थिक वर्ष २०७५/७६ को दोस्रो त्रैमासको वित्तीय विवरण सार्वजनिक भएको छ । सार्वजनिक भएको विवरण अनुसार संस्थाको खुद नाफा ६८.१४% बढोत्तरी गरि ७ लाख १८ हजार रुपैयाँ कमाएको छ । गत वर्ष संस्थाले ४ लाख २७ हजार रुपैयाँ खुद नाफा कमाएको थियो ।

संस्थाको खुद ब्याज आम्दानी ३०.०३% ले बढेर १ करोड ३७ लाख २३ हजार रुपैयाँ पुर्याएको छ । गत वर्ष संस्थाले १ करोड ५ लाख ५३ हजार रुपैयाँ ब्याज आम्दानी गरेको थियो । सञ्चालन नाफा ६८.१०% ले बढेर ११ लाख २८ हजार रुपैयाँ पुगेको छ । गत वर्ष ६ लाख ७१ हजार रुपैयाँ सञ्चालन नाफा कमाएको थियो ।

संस्थाले १० करोड १९ लाख ९२ हजार रुपैयाँ निक्षेप संकलन गरि ४७ करोड ४३ लाख २३ हजार रुपैयाँ कर्जा लगानी गरेको छ। संस्थाको चुक्ता पुँजी ६ करोड रुपैयाँ पुगेको छ भने जगेडा कोष १४९.५२% ले बढाएर ४१ लाख ७२ हजार रुपैयाँ पुर्याएको छ ।
संस्थाको खराब कर्जा ३.५३% रहेको छ भने प्रतिसेयर आम्दानी १ रुपैयाँ २० पैसामा रहेको छ भने प्रतिसेयर नेटवर्थ ११० रुपैयाँ ४८ पैसा रहेको छ ।
प्रकाशित : Friday, February 08, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal