त्रिभुवन अन्तरराष्ट्रिय विमानस्थलबाट ७० हजार अमेरिकी डलरसहित २ महिला पक्राउ

काठमाडौं - त्रिभुवन अन्तरराष्ट्रिय विमानस्थलबाट अवैध अमेरिकी डलरसहित दुई जना महिलालाई प्रहरीले पक्राउ गरेको छ । बैंकक अवैध रुपमा लुकाई छिपाई लैजान लागिएको ६९ हजार ५५० अमेरिकी डलरसहित उनीहरुलाई सोमवार बिहान पक्राउ गरिएको हो ।

पक्राउ पर्नेहरुमा काठमाडौं महानगरपालिका–४ बस्ने सरला खड्का र काठमाडौं महानगरपालिका–१६ बस्ने रिंकु गुरुङ रहेका छन् । नेपाल एयरलाइन्सको उडानद्वारा बैंकक जान लागेका उनीहरुलाई अन्तरराष्ट्रिय उडानतर्फको प्रस्थान होल्ड ब्यागेज चेकिङ एरियामा जाँच गर्ने क्रममा उक्त अमेरिकी डलर सहित प्रहरीले फेला पारी पक्राउ गरेको हो । उनीहरुमध्ये सरला खड्काको साथबाट ३५ हजार ६५० र रिंकु गुरुङको साथबाट ३३ हजार ९०० अमेरिकी डलर बरामद भएको हो ।

पक्राउ परेका दुबै जनालाई आवश्यक कारबाहीको लागि राजस्व अनुसन्धान विभाग हरिहरभवन ललितपुर लगिएको प्रहरीले बताएको छ ।
प्रकाशित : Tuesday, March 05, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal