नेप्सेमा अनसन बसेका १४ जना लगानीकर्ता पक्राउ, को को परे ? (नामावलीसहित)


काठमाडौं - सेयर लगानीकर्ता दबाब समूहका कार्यकर्तालाई प्रहरीले पक्राउ गरेको छ । नेप्सेको कार्यालय अगाडि अनसन बस्न गएका १४ लगानीकर्तालाई प्रहरीले पक्राउ गरेको हो । पक्राउ परेका लगानीकर्तालाई महानगरिय प्रहरी परिसर सिंहदरबार लगिएको छ ।

यस्तै बिहान १० बजे नेप्से पुगेका लगानीकर्ताहरुलाई नेप्से हाताभित्र अनसन बस्न प्रहरीले रोक लगाएको थियो । उनीहरुलाई प्रहरीले नेप्सेको गेटसम्म पनि जान दिएको थिएन ।

दबाब समूहका लगानीकर्ताले सोमबार मात्रै नेप्सेको कार्यालयमा कालो बेलुन उडाएर अनिश्चितकालिन रिले अनसन सुरु गरेका थिए । उनीहरुले सेयर बजारको विकास र विस्तारका लागि भन्दै ३२ बुँदे मागसहित अनसन सुरु गरेका हुन् ।

पक्राउ पर्नेहरुमा दबाब समूहका अध्यक्ष हरी ढकाल, महासचिव नयन बास्तोला रहेका छन् । यस्तै लगानीकर्ताहरु दिपेन्द्र अग्रवाल, तिलक कोइराला, दिपक पाण्डे, राम थापा, शुस्मा ढुङगाना, प्रविना ज्ञवाली, पुरुषोत्तम सापकोटा, कुमार सिटौला, रामभक्त गिरि, कोपीकृष्ण थापा, रमेशकुमार ढकाल र नवराज उप्रेति रहेका छन् ।


प्रकाशित : Tuesday, March 26, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal