व्यवस्थापनका कुरा : यी हुन् नयाँ बसपार्कको मुहार फेर्ने, 'चेन्ज मेकर', विचौलियालाई ‘नो इन्ट्री’, ग्राहकलाई सुविधा !

  • अर्थ सरोकार सम्बाददाता 
काठमाडौँ- विचौलियालाई छिर्न नदिने गरी नयाँ बसपार्कको टिकट काउन्टर व्यवस्थापनको काम सुरु भएको छ । लोत्से बहुउद्देश्यीय प्रालिले पूर्व जाने बसहरुको काउन्टर एकै स्थानमा व्यवस्थापन गरेपछि बसपार्कको मुहार फेरिन थालेको हो । पूर्व जाने बसका लागि ६ वटा काउन्टर व्यवस्थापन गरेर काम सुरू गरिएको कम्पनीका अध्यक्ष दीपक कुँवरले जानकारी दिएका छन् ।

कम्पनीले काउन्टरमा खटिने कर्मचारीलाई तोकिएको ड्रेस र परिचयपत्र अनिवार्य गरेको छ भने काउन्टरभित्र अनावश्यक मान्छे छिर्न नसक्ने गरी विद्युतीय प्रविधि जडान गरेको छ । बिचौलिया रोक्न सुरक्षा गार्ड राखिएको छ भने सीसीटिभीबाट निगरानी बढाईएको छ । बिचौलियालाई रोकिएपछि यात्रु ल्याएर बस कम्पनीबाट कमिसन लिने क्रम हटेको छ । यता बस कम्पनी र समितिहरुले पनि कमिसन दिन नपरेपछि खर्च बचेको भन्दै खुसी व्यक्त गरेका छन् । 

लोत्सेले काठमाडौं २५ वर्षका लागि व्यवस्थापन हेर्ने गरी महानगरपालिकाबाट जिम्मा लिएको छ ।
प्रकाशित मिति : Monday, April 29, 2019

recent

Popular Posts

सिफारिस:

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal