राष्ट्रपतिज्यू, 'तपाईंको सरकार'को नीति तथा कार्यक्रम सुनियो, अव हाम्रो सरकारको पालो कहिले आउँछ ?

  • एसपी सुमन 
सम्माननीय राष्ट्रपतिज्यू ! 
नमस्कार !
आज म हाम्रो सरकार अर्थात जनताको सरकारको नीति तथा कार्यक्रम सुन्न आतुर भएर बसेको थिएँ । तर विडम्बना, मलाई त थाहा नै भएन जनताको सरकार रातारात राष्ट्रपतिज्यूको 'मेरो सरकार' भइसकेछ । राजतन्त्रको झल्को दिने गरी संसदमा आज जे सुनियो, जे देखियो, त्यो ठिक भएन राष्ट्रपतिज्यू ! हजारौं जनताले बलिदान दिएर ल्याएको गणतन्त्रमा राष्ट्रपति हुनुभएको तपाईंलाई यो सरकारलाई 'मेरो सरकार' भन्न रतिपनि सुहाउँदैन । 

के तपाईंलाई महारानी बन्न रहर लागेको हो ? कि निरंकुशताको रहर गर्नुभएको हो ।होइन भने यो ठिक भएन राष्ट्रपतिज्यू । राजतन्त्रकालमा ‘श्री ५ को सरकार’ भनिन्थ्यो । त्यसैले राजा अर्थात् श्री ५ ले ‘मेरो सरकार’ भन्ने गर्थे। गणतन्त्र आएपछि ‘श्री ५ को सरकार’ बाट नेपाल सरकार भयो । त्यसैले यसलाई मेरो सरकार भन्ने हक तपाईंमा नहुनुपर्ने हो । '१४ वर्षअघि लडेर फालेको राजतन्त्र सरकारको नीति तथा कार्यक्रममार्फत पुनर्बहाली भएको जनतालाई थाहा छैन । तर भाषणमा 'मेरो सरकार' भनेपछि हामीले के बुझ्ने ? 

ल ठिकै छ राष्ट्रपतिज्यू तपाईंकै सरकार भो रे ! अनि तपाईंको सरकारको नीति तथा कार्यक्रम सुनियो, अव हाम्रो सरकारको कहिले आउँछ ? कहाँ सुन्न पाइन्छ जनताको सरकारको नीति तथा कार्यक्रम ? कहिले प्रस्तुत हुन्छ जनताको नीति तथा कार्यक्रम ?
प्रकाशित मिति : Friday, May 03, 2019

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal