गण्डकी विकास बैंकले सञ्चालन गर्यो ७ दिने निःशुल्क तालिम

काठमाडौं - गण्डकी विकास बैंक लिमिटेडले पोखरा महानगरपालिका वडा नं. ५ स्थित पस्र्याङ्ग शाखाको प्रथम वार्षिक उत्सवको उपलक्ष्यमा महिलाहरुको सिप विकास सम्बन्धी सात दिने निःशुल्क तालिम सुरु गरेको छ ।

कार्यक्रमको औपचारिक सुरुवात गर्दै पोखरा महानगरपालिका वडा नं. ५का वडा अध्यक्ष तथा महानगरपालिकाका प्रवक्ता धन बहादुर नेपालीले महिलाहरुलाई सक्षम र आत्मनिर्भर बन्नका लागि तालिम सहयोगी हुने बताए ।

बैंकका सहायक प्रमुख कार्यकारी अधिकृत तारानाथ लम्सालले महिलाहरुलाई आत्मनिर्भर बनाउन बैंकले यस प्रकारको तालिम सञ्चालन गरेको जानकारी दिए ।

७ दिन सम्म चल्ने उक्त सिप मुलक निःशुल्क तालिम दुई सिफ्ट गरि सञ्चालन गरिएको छ । उक्त सिपमूलक कार्यक्रममा वडा नंं ५ का २४ वटा आमा समुहका ७८ जना महिलाले प्रत्यक्ष लाभ लिने छन् । उक्त सिप मूलक तालिममा ३ जनाले सहजीकरण समेत गरेका छन् ।
प्रकाशित मिति : Wednesday, June 05, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal