आखिर आउने ठाउँ बीमा कम्पनी नै रहेछ...! राष्ट्र बैंकका पूर्व कार्यकारी निर्देशक नारायण पौडेल बने प्रभु लाइफको सीइओ !

नेपाल राष्ट्र बैंकको कार्यकारी निर्देशकबाट अवकास लिएका नारायण पौडेल प्रभु लाइफ इन्स्योरेन्सको सीइओ नियुक्त भएका छन् । उनी गत जेठ २६ गते मात्रै राष्ट्र बैंकको नियमन विभागको कार्यकारी निर्देशक पदबाट ३० वर्षे सेवा अवधिका कारण अवकास पाएका थिए । उनी असारको पहिलो साताबाट काम गर्ने आउने गरेर सिइओ नियुक्त भएका हुन् ।

यसो त अदालतको निर्णयपछि उनी राष्ट्र बैंकमै फर्कने चर्चा पनि थियो । तर उनले पछि मुड परिवर्तन गरेको उनी निकटहरु बताउँछन् । प्रभु लाइफ इन्स्योरेन्समा स्थापनाकालदेखि नै प्रमुख कार्यकारी अधिकृतको पद खाली थियो । उनलाई नियुक्ति गरेर अनुमतिका लागि कम्पनीले बीमा समितिलाई पत्र लेखेको छ । राष्ट्र बैंकमा हुँदा कानुनको अपव्याख्या गरेको देखि सिमित पत्रकारसँगमात्र 'प्रवक्ता'को व्यवहार गर्ने कार्यकारी निर्देशकका रुपमा उनी विवादित थिए । 

आउने ठाउँ इन्स्योरेन्स कम्पनी नै रहेछ !
राष्ट्र बैंक ऐनको दफा १०६ को ‘क’ मा बैंक तथा वित्तीय संस्था सम्बन्धी ऐनमा कार्यकारी निर्देशकलाई राष्ट्र बैंकबाट अवकास पाएको ३ वर्षसम्म सरकारी लगानीको बाहेक निजी बैंक तथा वित्तीय संस्थामा जान अपाउने उल्लेख छ । सोहि अनुसार उनी बैंक तथा वित्तीय संस्था जान पाएनन् । त्यसपछि आउने ठाउँ भनेकै इन्स्योरेन्स कम्पनी हो । यसअघि नेपाल राष्ट्र बैंकमा कार्यकारी निर्देशक भएर पछि इन्स्योरेन्स कम्पनीमा सीइओ भएका अरु उदाहरण पनि छन् ।    
प्रकाशित मिति : Tuesday, June 11, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal