युनाइटेड फाइनान्सले गर्यो चम्किलो प्रगति, खुद नाफा ७०.६६% ले वृद्धि

काठमाडौं - युनाइटेड फाइनान्सले आर्थिक वर्ष २०७५/७६ को चौथो त्रैमासको वित्तीय विवरण सार्वजनिक भएको छ । सार्वजनिक भएको विवरण अनुसार फाइनान्सको खुद नाफा ७०.६६% ले बढोत्तरी गरी १० करोड ९४ लाख ७६ हजार रुपैयाँ पुर्याएको छ । गत वर्षको यही अवधिमा खुद नाफा ६ करोड ४१ लाख ४८ हजार रुपैयाँ मात्र थियो । 

फाइनान्सको खुद ब्याज आम्दानी ३७.२८% ले वृद्धि गरी ३१ करोड २० लाख २३ हजार रुपैयाँ आर्जन गरेको छ । अघिल्लो वर्ष खुद ब्याज आम्दानी २२ करोड ७२ लाख ८५ हजार रुपैयाँ थियो । सञ्चालक नाफा १२२.४२% ले वृद्धि गरी १३ करोड ६९ लाख ४१ हजार रुपैयाँ पुर्याएको छ । अघिल्लो वर्ष सञ्चालन नाफा ६ करोड १५ लाख रुपैयाँ रहेको थियो । 

युनाइटेडले यो अवधिसम्ममा ६ अर्ब ५५ लाख ७५ हजार रुपैयाँ निक्षेप संकलन गरी ६ अर्ब ८ करोड २३ लाख १२ हजार रुपैयाँ कर्जा लगानी गरेको छ । फाइनान्सको चुक्ता पुँजी १ अर्ब १ करोड ५ लाख १९ हजार रुपैयाँ रहेको छ भने जगेडा कोषमा ४८ करोड २१ लाख ७२ हजार रुपैयाँ जम्मा भएको छ ।

यस फाइनान्सको खराब कर्जा ०.६५% रहेको छ । फाइनान्सको प्रतिसेयर आम्दानी १० रुपैयाँ ८३ पैसा र प्रतिसेयर नेटवर्थ १४७ रुपैयाँ ७२ पैसा छ ।
प्रकाशित मिति : Thursday, July 18, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal