भारतीय हेपाइको हद ! ९० प्रतिशत हिस्सा आफुलाई चाहिने भन्दै बखेडा, डीपीआर नै अन्योलमा

काठमाडौं । पञ्चेश्वर बहुउद्देश्यीय आयोजनामा भारतले हेपाहा प्रवृति देखाएको छ । नेपाल र भारतबीच पानीको बाँडफाँडको विषयमा भारतले अनुचित शर्त राखेपछि सहमति हुन सकेको छैन भने सहमति नभएपछि सो आयोजनाको डीपीआरमा नै अन्योलमा परेको छ ।

आयोजनामा जम्मा हुने पानीको ९० प्रतिशत हिस्सा भारत आफैले पाउने पर्ने माग गरेको छ । नेपाल सरकारले भने पञ्चेश्वर बहुउद्देश्यीय आयोजना दुईको साझा नदी भएका कारणले पानीको बाँडफाँड पनि बराबरी हुनुपर्छ भन्ने अडानमा छ । जस कारण वर्षौ सयम बितिसक्दा पनि आयोजनाको डीपीआर पूरा हुन सकेको छैन् ।

दुई देशका अधिकारीबीच यस बारे छलफल गर्दा पनि अहिलेसम्म कुनै निश्कर्ष निकाल्न सकेका छैनन् । भारतको चाहनाअनुसार डीपीआरमा सहमति जनाउन नसकिने हुनाले जतिपटक छलफल भए पनि डीपीआर टुंगो लाग्न ओलाग्न नसकेको बैठकमा नियमित सहभागी हुने उर्जा जलस्रोत तथा सिँचाइ मन्त्रालयका एक अधिकारीको तर्क छ । सो आयोजनाका लागि करिब ६ खर्ब रुपैयाँ लागत लाग्ने अनुमान छ ।
प्रकाशित मिति : Friday, July 19, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal