रवि लामिछानेकी पत्नी निकिता पौडेलको उजुरी प्रहरीले लिएन, हुलाकमार्फत जाहेरी पठाउने तयारी !

काठमाडौं । संचारकर्मी रवि लामिछानेकी पत्नी निकिता पौडेलको जाहेरी महानगरीय प्रहरी परिसर काठमाडौँले लिन अस्वीकार गरेको छ । 

चितवनका प्रहरी उपरीक्षक दानबहादुर मल्ल, जनआस्था साप्ताहिकका सम्पादक किशोर श्रेष्ठ र नेपाल आज अनलाइनका सम्पादक संकेत कोइरालाविरुद्ध उजुरी दर्ता गराउन महानगरीय प्रहरी परिसर पुगेकी पौडेललाई प्रहरीले आफ्नो क्षेत्राधिकार बाहिर भएको भन्दै फर्काएको छ । 

प्रहरीले जाहेरी लिन नमानेपछि पौडेलले हुलाकमार्फत जाहेरी पठाउने तयारी गरीरहेकी छिन् । चितवन प्रमुख प्रहरीसहित ३ जनाविरुद्ध उजुरी दर्ता गराउन प्रहरी परिसर काठमाडौँ पुगेकी थिइन् भने उनीहरुले सरकारी विद्युतीय अभिलेख किर्ते गरेको समेत पौडेलको आरोप छ ।

उता संचारकर्मी पुडासैनीको मृत्यु प्रकरणमा लामिछानेसहित तीन जनाविरुद्ध चितवन प्रहरीले आत्महत्या दुरुत्साहन मुद्दामा अनुसन्धान गरिरहेको छ। पुडासैनीले साउन २० गते भरतपुरस्थित एक होटलमा आत्महत्या गरेका थिए।
प्रकाशित मिति : Wednesday, August 21, 2019

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal