अर्थमन्त्रीद्वारा बैंक तथा वित्तीय संस्थाका शाखा उद्घाटन गर्न दौडधुप नगर्न निर्देशन, भन्छन् 'समय खेर नफालौँ' !

काठमाडौं । राष्ट्र बैंकका कर्मचारीहरुलाई बैंक तथा वित्तीय संस्थाहरुका शाखा उद्घाटन गर्न दौडधुप नगर्न अर्थमन्त्री डा. युवराज खतिवडाले निर्देशन दिएका छन् । बुधबार याक एण्ड यति होटेलबाट एकैसाथ राष्ट्रिय वाणिज्य बैंकको डिजिटल प्रविधिको प्रयोग गरी एकैसाथ १४ शाखाको उद्घाटन गर्दै अर्थमन्त्री खतिवडाले यस्तो निर्देशन दिएका हुन् । 
अर्थमन्त्री खतिवडाले राजधानीमै बसेर धेरै ठाउँमा धेरै शाखा खोल्न सकिन्छ भन्ने देखाउनका लागि आफू वाणिज्य बैंकको एकैपटक १४ वटा शाखा खोल्ने कार्यक्रममा आएको बताए । आफु गभर्नर हुँदा विकट ठाउँमा ४/५ वटा बैंकका मात्र शाखा उदघाटन गर्न गएको उनले बताए । जसबाट राम्रो सन्देश जन्थियो उनले भने 'अहिले राष्ट्र बैंकका कर्मचारीहरु जहाँ पनि शाखा उद्घाटन गर्न जाँदा समयको बर्बाद भयो, यसरी समय खेर नफाल्नू ।’
प्रकाशित मिति : Wednesday, August 28, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal