पुरानो बसपार्कको दुई माजु मन्दिरमा बनाइएका व्यापारिक टहराहरु तत्काल हटाउन माग गर्दै धर्ना ! (भिडियो रिपोर्ट)

काठमाडौँ । काठमाडौंको पुरानो बसपार्कस्थित दुई माजु मन्दिर परिसरमा बनाइएका व्यापारिक टहराहरु तत्काल हटाउन माग गर्दै धर्ना दिइएको छ । मुलुककै सांस्कृतिक तथा पुरातात्विक महत्वको सो मन्दिर अतिक्रमण गरी व्यापारिक टहराहरु बनाएकोमा आपत्ति जनाउँदै स्थानीय सम्पदाकर्मीहरुले तत्काल सो टहरा हटाउन माग गर्दै बुधबार एक घण्टा सो मन्दिर अगाडि धर्ना दिइएको हो । टुडिखेल र टुडिखेल परिसरमा रहेका सबै सम्पदाहरुमाथि गुठी संस्थानलेनै अतिक्रमण गर्न थालेपछि त्यसको विरोधमा धर्ना लगायतका कार्यक्रमलाई सुरु गर्नु परेको स्थानीयले बताएका छन् । 

सम्पदाकर्मीहरुले टुडिखेलस्थित खुल्ला मंचमा परिसरमा बनाइएका सबै व्यापारिक टहराहरु हटाउन माग गर्दै आन्दोलनलाई निरन्तरता दिँदै आएका छन । उनीहरुले दुई माजु मन्दिर परिसर भित्र बनाइएको व्यापारिक टहराहरु तत्काल नहटाए गुठी संस्थान, काठमाडौं महानगरपालिका र सम्बन्धित वडा कार्यालयविरुद्ध कडा आन्दोलन गर्न बाध्य हुने चेतावनी पनि दिएका छन । उनीहरुले यस अघि खुला मंच परिसरमा बनाइएको ५२ वटा व्यापारिक टहराहरु हटाउन दवाव दिएपछि ती टहराहरु हटाइएका थिए ।

सम्पदाको संरक्षण गर्न भन्दै सो धर्नामा उपस्थित भएकाहरुले ‘खुला ठाउँ बेची खाने दलाल, होसियार’ लेखेका प्लेकार्डहरु पनि प्रर्दशन गरेका थिए । हेर्नुहोस् भिडियो :
प्रकाशित मिति : Wednesday, October 23, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal