नेपाल बैंक लिमिटेडका नवनियुक्त सीईओ कृष्णबहादुर अधिकारीद्वारा शपथ ग्रहण

काठमाडौँ । नेपाल बैंक लिमिटेडका नवनियुक्त प्रमुख कार्यकारी अधिकृत (सीईओ) कृष्णबहादुर अधिकारीले  पद तथा गोपनीयताको शपथ ग्रहण गरेका छन् । बैंकका संचालक समितिका अध्यक्ष वासुदेव अधिकारीले प्रधान कार्यालयमा आयोजित एक कार्यक्रमकाबीच सीईओ अधिकारीलाई पद तथा गोपनीयताको शपथ गराएका हुन् । 

अधिकारीले त्रिविविबाट एमबीए र पूर्वान्चल विश्वविद्यालयबाट ईएमबीएको शैक्षिक योग्यता हासिल गरेका छन् ।नेपाल बैंकमा २०६१ मा सेवा प्रवेश गरी विभिन्न महत्वपूर्ण जिम्मेवारी अनुभव सँगाली अधिकारी विगत ६ महिनायता कायममुकायम प्रमुख कार्यकारी अधिकृतको जिम्मेवारी सम्हाल्दै आएका थिए । अधिकारीलाई गत असोज ११ गते बैंक सञ्चालक समितिको बैठकले सीईओमा छनोट गर्ने निर्णय गरेको थियो । यो पदमा १४ जना आकांक्षीहरुले आवेदन दिएका थिए । 
प्रकाशित मिति : Thursday, October 03, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal