सरकारद्वारा सामाजिक सुरक्षा कोषमा आवद्ध हुने समयावधि १ महिना थप !

काठमाडौँ । सरकारले योगदानमा आधारित सामाजिक सुरक्षा कोषमा आवद्ध हुने समयावधि १ महिना थप गरेको छ ।  कोषले रोजगारदाता तथा योगदानकर्ता सूचीकरण हुन बाँकी रहेको देखिएकाले ऐनको दफा २०  को उपदफा (३) अनुसार बिहिबार सूचीकरण हुनका लागि १ महिनाको समय थप भएको सूचना प्रकाशित गरेको हो ।

सरकारले यसअघि असोज मसान्तभित्र निजी क्षेत्रका सबै उद्योग-प्रतिष्ठानहरुलाई सामाजिक सुरक्षा कोषमा आवद्ध हुने मौका दिएको थियो ।

हालसम्म कोषमा सूचीकृत भएका रोजगारदाताको संख्या ८ हजार ८ सय १८ तथा योगदानकर्ताको संख्या १ लाख ९ सय ६८ पुगेको छ । जसबाट ७ करोड ६५ लाख भन्दा बढी योगदान रकम संकलन भइसकेको छ ।

प्रकाशित मिति : Thursday, October 31, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal