चिलिमे जलविद्युत कम्पनीले २५% लाभांश दिँदै, मंसिर ११ गते बोलायो साधारणसभा

काठमाडौं - चिलिमे जलविद्युत कम्पनीले २५% लाभांश दिने भएको छ । कम्पनीको सोमबार बसेको सञ्चालक समितिको ३६४औँ बैठकले आर्थिक वर्ष २०७५/७६ को मुनाफाबाट २०% बोनस सेयर र ५% नगद लाभांश दिने निर्णय गरेको हो । 

कम्पनीले ९५ करोड १६ लाख २७ हजार १५६ रुपैयाँ बराबरको बोनस वितरण गर्नेछ । यस्तै, २३ करोड ७९ लाख ६ हजार ७८९ रुपैयाँ नगद लाभांश बाँड्नेछ । साथै, कम्पनीले मंसिर ११ गते एजीएम बोलाएको छ । यसका लागि चिलिमेले कात्तिक २७ गतेदेखि मंसिर ११ गतेसम्म बुक क्लोज गर्ने भएको छ । यस अनुसार, कात्तिक २६ गतेसम्म मात्र कायम सेयरधनीले उक्त लाभांश प्राप्त गर्ने छन्। 

हाल चिलिमेको चुक्ता पुँजी ४ अर्ब ७५ करोड ८१ लख रुपैयाँ रहेको छ । बोनस वितरण पछि भने कम्पनीको चुक्ता पुँजी ५ अर्ब ७० करोड ९७ लाख ६२ हजार रुपैयाँ पुग्नेछ । कम्पनीको बोनस प्रस्ताव आगामी वार्षिक साधारणसभाले पारित गरेपछि कार्यान्वयनमा आउनेछ । हेर्नुहोस् कम्पनीले नेपाल स्टक एक्सचेन्जलाई लाभांश घोषणा गरिएको र साधारणसभा सम्बन्धी बारे गराएको औपचारिक जानकारी जस्ताको त्यस्तै :
प्रकाशित मिति : Monday, November 04, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal