किसान माइक्रोफाइनान्सको खुद नाफा ३५ लाख ९४ हजार रुपैयाँ, प्रतिसेयर आम्दानी कति ?

काठमाडौ - किसान माइक्रोफाइनान्स वित्तीय संस्थाले आर्थिक वर्ष २०७५/७६ को पहिलो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाको खुद नाफा ३५ लाख ९४ हजार रुपैयाँ खुद नाफा कमाएको छ । यो नाफा गत वर्षको तुलनामा ५७.९५% ले कम हो । गत वर्ष यसले ८५ लाख ४८ हजार रुपैयाँ नाफा कमाएको थियो । 

संस्थाको खुद ब्याज आम्दानी भने २४.५९% ले बढेर २ करोड ८० लाख रुपैयाँ पुगेको छ । गत वर्ष २ करोड २४ लाख रुपैयाँ मात्र खुद ब्याज आम्दानी गरेको थियो । तर, सञ्चालन नाफा भने ६१.४३% ले घटेको छ । गत वर्ष १ करोड ३० लाख सञ्चालन नाफा गरेको संस्थाले यस वर्ष घटेर ५० लाख २४ हजारमा सिमित रहेको छ ।

यो असार मसान्तभित्र संस्थाको निक्षेप संकलन र कर्जा लगानी क्रमश: ३७.३८% र १६.८४%ले बढेको छ । संस्थाले निक्षेप ४० करोड १ लाख रुपैयाँ संकलन गरेर कर्जा १ अर्व ३९ करोड रुपैयाँ लगानी गरेको छ । यसको जगेडा कोषमा १२८.२१% ले बढोत्तरी भएको छ । हाल यस कम्पनीको चुक्ता पुँजी ८ करोड ६० लाख रुपैयाँ छ । 

संस्थाको खराब कर्जा भने खे घटेको छ । संस्थाको खराब कर्जा ०.०९% घटेर ०.९३% रहेको छ । संस्थाको प्रतिसेयर आम्दानी १६ रुपैयाँ ७२ पैसा र प्रतिसेयर नेटवर्थ १६० रुपैयाँ ८१ पैसा छ ।
प्रकाशित मिति : Monday, November 11, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal