नेसनल लाइफ इन्स्योरेन्सले गर्यो आकर्षक प्रगति, खुद नाफा ३५.७९% ले वृद्धि !

काठमाडौं - नेसनल लाइफ इन्स्योरेन्सले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीको खुद नाफा ११ करोड ५३ लाख ९६ हजार रुपैयाँ कमाएको छ । यो नाफा गत वर्षको तुलनमा ३५.७९% ले धेरै हो । गत वर्ष यहि अवधिमा कम्पनीले ८ करोड ४९ लाख ७८ हजार रुपैयाँ खुद नाफा कमाएको थियो । 

कम्पनीको खुद बिमा शुल्क ३९% ले बढेर १ अर्ब ९१ करोड २१ लाख ८३ हजार रुपैयाँ पुगेको छ । गत वर्ष कम्पनीले १ अर्व ३७ करोड ५६ लाख रुपैयाँ खुद बिमा शुल्क रहेको थियो । कम्पनीले ६१ करोड १० लाख रुपैयाँ खुद दाबी भुक्तानी गरेको छ भने २६ करोड ६७ लाख रुपैयाँ दाबी हुन बाँकी रकम रहेको छ।    

कम्पनीको जीवन बिमा कोष पनि २७.०९% ले बढेर २८ अर्ब ६४ करोड ९३ लाख ४५ हजार रुपैयाँ पुगेको छ । यता, रिजर्भ फन्ड भने ९.५४% ले घटेर ६५ करोड ७४ लाख ८ हजार रुपैयाँमा सीमित भएको छ । यस इन्सुरेन्सको प्रतिसेयर आम्दानी २ रुपैयाँ ३९ पैसाले बढेर १५ रुपैयाँ ३५ पैसा कायम भएको छ । प्रतिसेयर नेटवर्थ १२१ रुपैयाँ ८६ पैसा छ । 
प्रकाशित मिति : Friday, November 15, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal