सेञ्चुरी बैंकको वित्तीय विवरण : खुद नाफा ३५.३३% ले बढ्दा खुद ब्याज आम्दानी कति ?

काठमाडौं । सेञ्चुरी कमर्सियल बैंकले आर्थिक वर्ष २०७६/७७ को पहिलो त्रैमासमा ३७ करोड ८ लाख १५ हजार रुपैयाँ खुद नाफा कमाएको छ । बैंकको यो नाफा रकम गत वर्षको भन्दा ३५.३३% ले धेरै हो । गत वर्ष बैंकले २७ करोड ४० लाख रुपैयाँ खुद नाफा मात्र कमाएको थियो । असोज मसान्तसम्म बैंकको वितरण योग्य नाफा १८ करोड ७ लाख ९९ हजार रुपैयाँ छ । 

यस्तै बैंकको खुद ब्याज आम्दानी र सञ्चालन नाफा पनि बढेको छ । बैंकका यी दुई सूचक क्रमशः ११.४७% र ३३.१९% ले बढेका हुन् । प्रतिसेयर आम्दानी १७ रुपैयाँ ६३ पैसा रहेको यस बैंकको प्रतिसेयर नेटवर्थ भने १२१ रुपैयाँ २९ पैसा रहेको छ ।

बैंकको निक्षेप संकलन भने १.७९% ले घट्दा कर्जा लगानी १.७४% ले बढेको छ । बैंकले ६१ अर्ब २४ करोड ९८ लाख रुपैयाँ निक्षेप संकलन गरी ५८ अर्ब ५४ करोड ९२ लाख रुपैयाँ बराबरको कर्जा प्रवाह गरेको छ । हाल कम्पनीको चुक्ता पुँजी ८ अर्ब ४१ करोड रुपैयाँ छ । बैंकले ६१ अर्ब २४ करोड ९८ लाख रुपैयाँ निक्षेप संकलन गरी ५८ अर्ब ५४ करोड ९२ लाख रुपैयाँ बराबरको कर्जा प्रवाह गरेको छ। 
प्रकाशित मिति : Friday, November 15, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal