छ्याङदी हाइड्रोपावरले गर्यो ५.२६% लाभांश दिने घोषणा, पुस २९ मा बोलायो साधारणसभा !

काठमाडौं - छ्याङदी हाइड्रोपावरले ५.२६% लाभांश दिने भएको छ । कम्पनीको आइतबार बसेको सञ्चालक समितिको ६४औँ बैंठकले आर्थिक वर्ष २०७५/७६ को नाफाबाट ५% बोनस सेयर र बोनसमा लाग्ने करका लागि ०.२६% नगद लभांश दिने निर्णय गरेको हो । कम्पनीले १ करोड ३५ लाख रुपैयाँ बराबरको बोनस वितरण गर्नेछ । यस्तै, ७ लाख १० हजार ५२६ रुपैयाँ नगद लाभांशमा खर्च गर्नेछ ।

यता, छ्याङदीले लाभांश प्रस्ताव पारित गर्न पुस २९ गते साधारण सभा बोलाएको छ । सभामा बोनस सेयर पश्चात कायम हुने पुँजीबाट ३०% हकप्रद ल्याउने एजेन्डा पनि छ । सभा प्रयोजनका लागि छ्याङदीले पुस १५ गते बुक क्लोज गर्दैछ । पुस १४ गतेसम्म कायम सेयरधनीले लाभांश सुरक्षित गर्न सक्नेछन् ।


प्रकाशित मिति : Monday, December 23, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal