सबैको लघुवित्त वित्तीय संस्थाको साधारणसभा शनिबार, यस्ता छन् पेस गरिने प्रस्तावहरु !

काठमाडौं - सबैको लघुवित्त वित्तीय संस्थाले शनिबार (मंसिर २१ गते) साधारण सभा बोलाएको छ । संस्थाले  सभा मस्र्याङ्दी रिभर भ्यू रिसोर्ट, बन्दीपुर ५, तनहुँमा बिहान ११ बजे बोलाएको हो ।

सभामा कम्पनीले १३% बोनस वितरण गर्ने विशेष प्रस्ताव पेश गर्दैछ । यसैगरी, कर तिर्न थप ११ लाख २८ हजार ९ सय ४७ रुपैयाँ ३७ पैसा नगद पनि दिनेछ । हाल यस कम्पनीको चुक्ता पुँजी १६ करोड ५० लाख रुपैयाँ रहेको छ । बोनस वितरणपछि पुँजी १८ कराड ६४ लाख ५० हजार रुपैयाँ पुग्नेछ । 

सभामा कम्पनीले अन्य कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि लैजानेछ । आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पेश गर्नेछ । 

सभा प्रयोजनका लागि कम्पनीले मंसिर ५ गते बुक क्लोज गरेको छ । मंसिर ४ गतेसम्म कायम रहेका सेयरधनीले लाभांश पाउनेछन् । यस लघुवित्तले गत साउनमा आइपीओ जारी गरेको थियो ।
प्रकाशित मिति : Friday, December 06, 2019

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal