नेपाल राष्ट्र बैंकले १४ अर्ब रुपैयाँ बराबरको ट्रेजरी बिल जारी गर्दै, सोमबार बोलकबोल हुने !

काठमाडौं - नेपाल राष्ट्र बैंकले १४ अर्ब रुपैयाँको ट्रेजरी बिल जारी गर्ने भएको छ । केन्द्रिय बैंकले ९१ दिन र १८२ दिनका लागि ट्रेजरी बिल जारी गर्न लागेको हो । बैंकले ९१ दिनको लागि ८ अर्ब रुपैयाँ र १८२ दिनका लागि ६ अर्ब रुपैयाँ ट्रेजरी बिल जारी गर्न लागेको हो । यो ट्रेजरी २०७७ साल बैशाख २ गते र २०७७ साल असार ३० गते परिपक्क हुनेछ । 

मंगलबार जारी हुने बिलका लागि आज (सोमबार) दिउँसो २ बजे बोलकबोल हुनेछ । ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो । 

राष्ट्र बैंकद्वारा जारी हुने उक्त ट्रेजरी बिलमा सोमबार मध्याह्न ३ बजेसम्म अनलाईन बिडिङ्ग प्रणाली मार्फत बोलकबोल गर्न सकिनेछ। उक्त ट्रेजरी बिलको बोलकबोलमा बैंक तथा वित्तीय संस्था, संगठित संस्था तथा सर्वसाधारण नागरिक समेत सहभागी हुन सक्नेछन्।
प्रकाशित मिति : Monday, January 13, 2020

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal