काठमाडौं – राजश्व अनुसन्धान विभागले राजश्व छली गरेको आरोपमा रुपन्देहीका दुई जनाविरुद्ध मुद्दा चलाएको छ । विभागले आशिष श्रुति ट्रेडर्सका सञ्चालक आशिष गुप्ता र मुख्य कारोवारी सन्नी गुप्तालाई राजश्व चुहावट गरेको अभियोगमा ४९ करोड ६५ लाख बिगो कायम गरी सोमबार रुपन्देही जिल्ला अदालतमा मुद्दा दायर गरेको हो ।
विभागका महानिर्देशक दीर्घराज मैनालीका अनुसार उनीहरुविरुद्ध बिगोको दोब्बरसम्म जरिवाना र ३ वर्ष कैद सजायको माग दावी गरिएको छ ।
उनीहरुले न्यून बिजकीकरण गर्ने, बिक्री बिलको रकम आम्दानीमा नदेखाउने, तिर्नु नपर्ने खरीदको लागत देखाउने र मालवस्तु विनाबिल र विजक बिक्री गर्ने गरेको अनुसन्धानमा खुलेको विभागले जनाएको छ ।
