सुनको भाउले आज पनि रच्यो नयाँ इतिहास, हेर्नुहोस् कतिमा हुँदैछ कारोबार ?


काठमाडौँ - सुनको मूल्यले दिनानुदिन नयाँ रेकर्ड बनाउँदै गईरहेको छ । आइतबार प्रतितोला ७८ हजार ८ सय रुपैयाँमा कारोबार भईरहेको छापावाला सुन आज ५ सयले बढेर ८० हजार ३ सय रुपैयाँमा कारोबार भइरहेको छ । 

यता, चाँदीको मूल्य पनि ५ रुपैयाँले बढेर प्रतितोला ९ सय २५ रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज सोमबार प्रति १० ग्राम छापावाला सुनको मूल्य ६८ हजार ८ सय ४५ रुपैयाँ तोकेको छ भने प्रति १० ग्राम चाँदीको मूल्य ७ सय ९३ रुपैयाँ कायम गरेको छ ।

पछिल्लो समय सुनको मूल्य दिनानुदिन बढ्दै गईरहेको छ। चाइनामा कोरोना भाइरस प्रकोपको प्रभाव सुनको बजारमा परेको हो । यस भाइरसका कारण विश्व अर्थतन्त्र प्रभावित भइरहँदा सुरक्षित क्षेत्र खोज्दै लगानीकर्ता सुनतर्फ आकर्षित भएका हुन् । त्यसैले पनि सुनको भाउले आकाश छुने पक्कापक्की रहेको व्यवसायीहरुको तर्क छ ।
प्रकाशित मिति : Monday, February 24, 2020

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal