नेपाल अन्तर्राष्ट्रिय व्यापार मेला चैतमा हुने, स्वदेशी उद्योग व्यवसायको प्रवद्र्धन गर्ने उद्देश्य (भिडियो रिपोर्ट)

काठमाडौं । नेपाल उद्योग वाणिज्य महासंघले नेपाल अन्तर्राष्ट्रिय व्यापार मेला चैत ६ गतेबाट १० गतेसम्म काठमाडौंमा योजना गर्ने भएको छ । स्वदेशी उद्योग व्यवसायको प्रवद्र्धन, नेपाली उत्पादन तथा सेवाहरुको राष्ट्रिय अन्तर्राष्ट्रिय बजार विस्तार गर्ने, बाह्य लगानी तथा प्रविधि आकर्षण गर्ने, र स्वदेशी तथा विदेशी लगानीकर्ताहरुका बीच व्यवसायीक सम्बन्ध कायम गर्ने उद्देश्यले मेलाको आयोजना गरिने भएको हो । भृकुटिमण्डपमा आयोजना हुने मेलामा चीनबाट ८०, भारतबाट ४० र बंगलादेशबाट ६० वटा स्टल बुकिङका लागि पत्राचार भएको महासंघले जनाएको छ । त्यसैगरी थाइल्याण्डबाट २० र पाकिस्ताबाट ५ वटा स्टल बुकिङका लागि पत्राचार भएको छ । ३ सय भन्दा बढी स्टल रहने मेलामा अन्य देशहरुबाट समेत सहभागिताका लागि विदेशमा रहेका नेपाली दूतावास मार्फत पत्राचार गरिएको छ । हस्तकला, एनटीआइएस प्रोडक्टहरु मेलाका मुख्य आकर्षण रहनेछन् । नेपाल भ्रमण वर्ष २०२० लाई सफल बनाउन समेत नेपालका पर्यटन गन्तव्यस्थलको प्रचार प्रसार र छलफल कार्यक्रमको समेत आयोजना गरिने छ । यो वर्ष १ लाख भन्दा बढीले मेलाको अवलोकन गर्ने विश्वास आयोजकले लिएको छ। मेलामा टिकट दर ५० रुपैयाँ र विद्यार्थी सहुलियत दर ३० रुपैयाँ तोकिएको छ भने अपाङ्गता भएका व्यक्ति र जेष्ठ नागरिकलाई निःशुल्क प्रवेशको व्यवस्था मिलाइएको छ । हेर्नुहोस् भिडियो :
प्रकाशित मिति : Thursday, February 06, 2020

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal