स्रोत नखुलेको १९ लाख रकमसहित दुई जना रौतहटबाट पक्राउ, थप अनुसन्धान जारी !

काठमाडौँ - १९ लाख एक हजार १५० रुपैयाँसहित २ जनालाई प्रहरीले पक्राउ गरेको छ । रौतहटको राजदेखी नगरपालिका–८ बेलबिछवास्थित सशस्त्र प्रहरी बोर्डर आउट पोष्टबाट खटिएको टोलीले १९ लाख एक हजार १५० रुपैयाँसहित २ जनालाई पक्राउ गरेको हो ।

पक्राउ पर्नेमा कटहरिया नगरपालिका वडा ६ बगहीका २० वर्षीय नवलकिसोर साह र भारत बैरगनिया वडा १४ का २३ वर्षीय शनी कुमार रहेका छन् ।

सोमवार साँझ भारत बैरगनियाबाट रौतहट आउदै गरेको बिआर ०५ आर ९४६४ नम्बरको मोटरसाईकलमा चेकजाँच गर्दा लुकाई छिपाई राखेको उक्त रकमसहित ३ थान मोबाईल बरामद भएको सशस्त्र प्रहरी रौतहटका प्रमुख एसपी रबिनराज कर्णजितले जानकारी दिए । 

उनीहरुलाई थप अनुसन्धानको लागि जिल्ला भन्सार कार्यालय गौरमा बुझाएको सशस्त्र प्रहरीले जनाएको छ ।
प्रकाशित मिति : Tuesday, February 25, 2020

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal