नगद कारोबारमा कोरोना कर लगाउन बैकर्स संघको सुझाव !

  • अर्थ सरोकार सम्बाददाता
काठमाडौं । नगद कारोबारमा कर लगाउन बैंकर संघले सुझाव दिएको छ । नगदमा हुने कारोबारमा कोरोना कर लगाउन नेपाल बैंकर्स संघले आगामी आर्थिक वर्ष २०७७/७८ को बजेटमा सरकारलाई सुझाव दिएको हो । डिजिटल कारोबारलाई प्रोत्साहन गर्न र नगद कारोबारलाई निरुत्साहित गर्न सीमा भन्दा बढीको नगद कारोबारमा कोरोना कर लगाउन सुझाव दिएको संघका अध्यक्ष भुवन दाहालले बताएका छन् ।

'निश्चित सीमा भन्दा बढीको नगद कारोबारमा कोरोना कर लगाइनु पर्ने सुझाव दिएका छौं । यसले डिजिटल कारोबारलाई प्रोत्साहन गर्नेछ ।' अध्यक्ष दाहालले भने । यस्तै बजेट निर्माणको क्रममा रहको सरकारलाई बैंकर्स संघले आयात प्रतिस्थापन गर्न तथा कृषिमा रोजगारी सिर्जना र कृषि उत्पादकत्व वृद्धि गर्नको लागि अर्थमन्त्रालय, एनआरबी, एनबीए, एफएनसीसीआई, सहकारी संस्था लगायतको प्रतिनिधिहरु सहित कृषि मन्त्रीको संयोजकत्वमा एक समिति गठन गर्न सुझाव दिएको छ ।
प्रकाशित मिति : Sunday, May 24, 2020

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal