लक्ष्मी बैंक-जनकपुर शाखाका स्टाफका आफन्तलाई कोरोना पोजेटिभ, सबै कर्मचारीको परिक्षणको तयारी !

  • अर्थ सरोकार सम्बाददाता
जनकपुर । लक्ष्मी बैंकका एक स्टाफका आफन्तलाई कोरोना पोजेटिभ देखिएको खबर छ । जनकपुर शाखाका एक स्टाफका आफन्तलाई कोरोना संक्रमण देखिएपछि उनको सम्पर्कमा आएका स्टाफसहित उक्त शाखाका सम्पूर्ण अन्य कर्मचारीहरुलाई क्वारेन्टाइन लगेर परिक्षण गर्ने तयारीसमेत भइरहेको बुझिएको छ । 

बैंकका कर्मचारी राजीव कुमार झाले दिएको जानकारी अनुसार एक स्टाफका आफन्तलाई कोरोना देखिएपछि स्टाफको परिक्षणको तयारी गरिएको हो । यता स्टाफका आफन्तलाई कोरोना पोजेटिभ देखिएपछि शाखाका सबै कर्मचारीहरुलाई क्वारेन्टाइन लैजान प्रशासनलाई तिब्र दबाब परेको छ । यद्यपी अहिलेसम्म कुनै स्टाफलाई पनि क्वारेन्टाइन नलगिएको झाले दावी गरे ।

'टेष्ट पनि के हो ? कहिले पोजेटिभ भन्छ, कहिले नेगेटिभ भन्छ । तर हामीलाईचाहिं क्वारेन्टाइन लगिएको छैन ।' बैंकका कर्मचारी झाले अर्थ सरोकार डटकमसँग भने, 'स्टाफका आफन्तलाई कोरोना पोजेटिभ देखिएको भन्ने हो, यहि कुरालाई लिएर सबै बैंकका स्टाफलाई क्वारेन्टाइन लगिसकिएको भन्नेचाहिं होइन ।'   

देशभर अत्यावश्यक सेवाका नाममा बैंक तथा वित्तीय संस्था खुल्दा जोखिम बढेको छ ।
प्रकाशित मिति : Thursday, May 14, 2020

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal