- अर्थ सरोकार सम्बाददाता
काठमाडौं । आज आइतबारदेखि सेयर कारोबारमा ‘टि प्लस टु’ लागु भएको छ । सिडिएस एन्ड क्लियरिङले धितोपत्र कारोबारलाई थप व्यवस्थित र थप सहज बनाउने लक्ष्यका साथ सेयर खरीद वा बिक्री गरेको दुई कार्य दिनमा नै राफसाफ हुने व्यवस्था गरेको हो ।
सिडिएससीले धितोपत्र कारोबारको राफसाफ तथा फछ्र्यौट संशोधित विनियमावली अनुसार कारोबार भएको दिन बाहेक दुई कार्य दिन ‘टिप्लस टू’ मा हुने व्यवस्था गरेको हो । धितोपत्र कारोबारको राफसाफ तथा फछ्र्यौट चक्र छोटिएसँगै बजारमा धितोपत्रको तरलतामा वृद्धि हुन गई समग्र पूँजी बजार थप चलायमान हुने विश्वास लिइएको छ ।
